أشغال فنية للأطفال

موضوعي اليوم هو عبارة عن اشغال فنية للاطفال

بيعملوها هم بنفسهم ... وممكن ماما تساعدهم فيها>>>> ازا بدهم بابا مش مشكلة




ويا حبايبي انا كل يوم رح انزللكم عمل فني جديد

يعني مش كل يوم كل يوم >>> ولا شو؟؟

يعني ...
حسب وقتي

ورح اضل انزل اشغال لحد ما اخلص كل اللي عندي



وطبعا هادا الموضوع موش منقول >>> بالله جد ؟؟؟

آه والله

يعني يا حبايبي اول منتدى رح يعمل الموضوع هادا هو

منتدانا الحبيب

(( مقعد الغزازوة ))



الموهيم ...

نبدا الموضوع

اليوم العمل الفني هو :

(( حصالة الطيور )) >>> العسافير يعني



اولا :>>> اول شي يعني

الادوات اللي هيي الاغراض:

1- علبة مي فاضية ما بدكم اياها
2- كرتون
3-ورق جرايد كتير
4- صمغ (( غرا يعني )) مع مي يعني مخلوطين مع بعض
5-ورق مقوى او فرخ
5- الوان زاهية >>> بالله عليكي

وبس ...



نبدا الشغل ..



اول شي .. زي ما انتوا شايفين بالصورة
بتخرقوا قزازة المي اللي جهزتوها من فوق

وبتصير عندكم .. بهادا الشكل





نمبر تو ..

بتبلشو تشتغلوا بالجرايد اللي عندكم
وبتعملو فيها جسم الجاجة
زي ما رح اورجيكم هلأ بالصور الجاي



**********************



هدول الرجلين

***********************



مستمرين في عمل الجاجة

************************



كمان مستمرين

***********************



برضو م س ت م ر ي ن

***********************



اسفة عزبتكم ..
بس شو اعمل؟؟؟

صامدووووووووووووووون

*************************



وهيك .. بنكون كملنا جسم الجاجة

**************************



نيجي للراس ..



طبعا هادا منقارها .. بتعملوه زي ما بتعملو كاسة البوشار

اتفقنا؟؟؟



شفتوا؟؟

هي حطيتلكم كمان صورة للمنقار

****************************

طيب ... هلأ شو في كمان بالراس ؟؟؟



اكيد عيون الجاجة وشعراتها ..

***************************

وهلأ .. بدنا نعمل الريش



الريش بينعمل زي ما شفتوا بالصورة

يعني بتقصوا الورق المفوى او الفرخ
اشكال اسطوانية وبتخلوها محدبة من جهة
ومستوية من الجهة التانية

كيفني معكم بس ؟؟

الموهيم ..

بالاخير .. هيك بصير الريش لما نلزقوا عالجاجة
هو والراس طبعا



لا حظتوا رقبتها للجاجة ؟؟؟

هاي كمان بتعملوها بالورق المقوى ,,,
وكمان زي كاسة البوشار,,,
بس اكبر بشوي >>> لأ مش بشوي بوسط



هلأ بيجي دور الرجلين



هدول العمودين اللي ماسكهم عمو بالصورة رح يكونوا سيقان الجاجة
فاهمين عليي؟؟؟

مش مشكلة ..
الصورة الجاي رح توضحلكم اكتر ..



ركزتوا منيح؟؟؟

شفتوا كيف عمو عمل من الجرايد كورتين صغار
هدول رح يكونوا الفخدة
اللي دايما بتتقاتلوا عليها في الغدا

وكمان عمل من الكرتونة الرجل نفسها يعني القدم والاصابع

وبعدين لزقناهم عالجاجة
وهيك صار شكلها..



شفتوا كيف؟؟
هلأ الجاجة بلشت تبين معكم



الخطوة اللي بعد هيك بنسميها خطوة التهيئة للتلوين >>> مش عارفة مين بسميها بس انا هيك بقول

وهيي بتسعد انو الحصالة تكون قوية والكرتون والشغلات اللي عليها ما يتقطعوا ولا يخربوا

طب يللا بسرعة احكي شو هيي وخلصينا

حاضر .. حاضر
جايالكم بالحكي

الخطوة هيي انكم تلزقوا على الجاجة كلياتها
طبقتين من المحارم بتلزقوها بغرا او صمغ اللي بدكم اياه مع مي (( ماء ))

بهادا الشكل ..



وهيك بتصير الجاجة بيضة ..



هلأ بنبلش تلوين ..



وهادا آخر شكل للجاجة ..



هلأ بتقدروا تعبوه مصاري

بس اكيد رح تسالوني ..

شلون بدكم تطلعوها ؟؟؟ >>> سؤال زكي

هلأ بفرجيكم



الجاجة اصلا يا حبايبي اصلها قزازة مي
يعني بتفتحوا الغطاي تبعتها

وبتكبوا المصاري >> مش بالزبالة طبعا

زي هيك ...





وبهيك بنكون خلصنا اول عمل فني لالنا ..
اللي هو حصالة العصافير

بس وقفوا لسة الموضوع ما خلص

بتقدروا تعموا حصالة الطيور اللي عملناها اليوم باشكال غير الجاجة

زي هاي الاشكال

بطة مسلا ...



وكمان بصير تعملوها طاووس ..



وكمان طائر اخير والله ما بعرف شو اسمو ...



رجليه ما كملوا ف حطيناهم بصورة لحالهم من كتر ما هو طويل ما شاالله



هاي يعني ازا ما بدكم تحطوها على مكتب .. او طاولة

ف بتحطوها على ارض الغرفة على طول يعني بتعطي منظر كتير حلو للغرفة